Nina liwapaikire ndi?
Nina liwapaikire kuzuvhisa kumwe nombungakriste ndi?
Kuvhura o wapere kukara muzuvhisi gokudira kugwana ekuho nsene . . .
O resa nkenye apa Bibeli, kukanderera ntani kuza komapongo.
O likida rupandu nokupura eyi ono kulironga nokutantera ko wopeke.
O hara Jehova ntani nokuhorowora vakaume ava va mu hara.
O dira kuhama kwankenye mbungapolitika ndi koukarelikarunga woyimpempa.
O paruka kuliza nonompango daJehova ntani ono hara kukara gumwe goNombangi daJehova.
Nsene kuna kulizuvha asi ono wapere kuzuvhisa kumwe nombungakriste, ogu a kurongo Bibeli kuvhura a tantere vakuronambunga yipo va zogere nove, va tare nsene ono wapere kukara muzuvhisi.
Nina liwapaikire kugwana ekuho ndi?
Kuvhura o gwane ekuho nsene . . .
Ove muzuvhisi ogu ga dira kugwana ekuho.
Ove kulihameka mosirugana sokuzuvhisa nkenye apa.
Ove kukwatesa ko nokukwama mavyukiso gokutunda ‘komukareli gokulimburukwa gonondunge.’—Mateusa 24:45-47.
Ove wa ligava kwaJehova kupitira mekanderero ntani ono hara kumukarera eparu lyoge mudima.
Nsene kuna kulizuvha asi ono wapere kugwana ekuho, ogu a kurongo Bibeli kuvhura a ku tantere o hedere vakuronambunga yipo o zogere nawo, va tare nsene ono wapere kugwana ekuho.
