Ma ká kʉ tayari ni?
Ma ká kʉ tayari nì ndiro ma ngʉ muhubiri d’e?
Ni ka ni e tayari ni ngʉ nzá d’e batiso ba ná muhubiri njati . . .
Ni e krʉ ddo ró ni Biblia zø ro, sala ni nji ro, ndirigoti njudha dhi ngana ni si ro ró.
Ni ji ni zø ná lo ji ndirigoti ni uri u ndirigoti ni ji ri djo ni loti ndrŭ na nari ji ró.
Ni ji Yova ndirigoti ni vʉ ni dhó kau nari é ngba ji ke ná ndrŭ ró.
Ni bbá politiki inga kali dhi dini nǎ ndrŭ na ni ni tso gba nari tso ró.
Ni di njínji kedhó yadha na ndirigoti ni jiri ni ngʉ kedzá Dimu ró.
Njati ni mbu ni tayari kʉ lod’radha dho ri ró, ad’rari nidhó mwalimu dho ndirigoti ke si rid’ra wazee dho ndiro kpa tilo ni na, ni tso ká ka ndi uni ngbà nie muhubiri d’e nari djo
Ma ká kʉ Tayari nì Batiso Badha dho?
Ni ka ni e tayari batiso badha dho njati . . .
Ni e nzá d’e batiso ba ná muhubiri ró.
Ni e krʉ ddo ró ni lod’ra nì, ri ka ni dho ná ngatsi ro ró.
Ni di “nyodyu dhi chí njí dhi noke” dhó ro si ná chutso ddadha dyø ró.—Matayo 24:45-47.
Ni bbʉ ni Yova dho sala chulu ndirigoti ni jiri ni njinjí ke dho choró nŭnŭ ró.
Njati ni mbu ni tayari batiso badha dho ró, ad’rari nidhó mwalimu dho ndirigoti ke si rid’ra wazee dho ndiro kpa tilo ni na, ni tso ká ka ndi uni ngbà ni ba batiso d’e nari djo.
