Kavele Ɓɛtɛvɛ?
Kavele Ɓɛtɛvɛ Sa Ga Ge Vɛɛ Kuuwui Va Ga Ge Gala Goo Wo?
Tanisu e ɣavele ɓɛtɛvɛ sa ga e ɣɛ ga Gala goo wo nui ta ani ya . . .
Gala Kɔlɔi maa woli ma ziɛgi ma, yiɛ Gala feli, yiɛ li wɔnɔ gaalɛ-baitiɛ zu.
Laana ga niitiɛ e maa wolizu e wõi ga tiɛ na ɣa ɣɛɛna e wõini e dɛ ga numaa.
Dɛɛna ga wõila ɣa e ya Jehova ʋaa ma yiɛ niitiɛ ɣɛ ga ya ziɛ-pulu wõila te ya faa ma.
Yee wulona zɛɛ-ʋaa ɣala pɛlɛ wu ʋai ɓɔga gɔmɛti ʋaitiɛ zu e dɛ ga ɛ lɛ sa ga te ta.
Ɣaa ɓaana ga e Jehova yii-mai ɣɛ na ɣa ɣɛɛna e ɣɛ ga Jehova Na Seeleitiɛ te ta.
Ani e ɣavele ɓɛtɛvɛ sa ga e vɛɛ kuuwui va ga wo Gala goi wo, nui e Gala Kɔlɔi lɛɛzu ga yiɛ towa bo kuuwu wũ-tuo veaitiɛ ma ga te yɛpɛ e wɔ.
Kavele Ɓɛtɛvɛ Sa Ga Ge Bataize Maa Zɔlɔwo?
Ya dɛ ga e ɣavele ɓɛtɛɛ sa ga e bataize maa zɔlɔwo ani . . .
Ya sa ga Gala goo wo nui ta.
Ya ɣaa ɓaazu Gala goo wotii zu nii ya ziɛ bu yiɛ kɛ.
Ya ɓɔsu Gala goo wotii maazu vɛtɛ veaitiɛ va yiɛ yee zei tɛnɛgi nii wu ta fe.—Mafiyu 24:45-47.
E ɓɔɔ ʋea sa Jehova ya Gala-feliai zu na ɣa ɣɛɛna e wõini e zii-mai ɣɛ wɔlɔ-wɔlɔ ta wɔlɔ-wɔlɔ.
Ani e ɣavele ɓɛtɛvɛ sa ga e vɛɛ kuuwui va ga wo Gala goi wo nui e Gala Kɔlɔi lɛɛzu ga yiɛ towa bo kuuwu wũ-tuo veaitiɛ ma ga te yɛpɛ e wɔ.
