Be Aikora?
Be Aikora Lendo gi Kanyakla?
Inyalo bedo jalendo ma pok obatisi ka . . .
Ipuonjoriga Muma ma ok ibari, ilemoga, kendo idhiga e chokruoge mag kanyakla.
Imor gi weche mipuonjori kendo diher nyisogi jomamoko.
Ihero Jehova kendo imako osiep gi joma ohere.
Iseweri chuth gi riwruok moro amora mar siasa kata mar dinde mag miriambo.
Idak kaluwore gi chike mag Jehova kendo diher bedo achiel kuom Joneno mag Jehova.
Ka ineno ni iikori lendo gi kanyakla, japuonjni mar Muma nyalo timo chenro mondo irom gi jodong-kanyakla. Gibiro goyo kodi mbaka mondo gine ka iromo bedo jalendo.
Be Aikora ne Batiso?
Inyalo batisi ka . . .
Isebedo jalendo ma pok obatisi.
Itimoga duto minyalo mondo ilendi.
Iriwoga lwedo paro michiwonwa gi “jatich mogen kendo mariek” kendo iluwo kaka ochikowa.—Mathayo 24:45-47.
Isechiwori ne Jehova kendo diher tiyone nyaka chieng’.
Ka ineno ni iikori ne batiso, japuonjni mar Muma nyalo timo chenro mondo irom gi jodong-kanyakla. Gibiro goyo kodi mbaka mondo gine ka iromo dhi e batiso.
