Ka Inpeih Tawh Em?
Kohhranho Ruala Thu Hril Tûrin Ka Inpeih Tawh Em?
Hêngte hi i tih tawh chuan, baptisma châng lo thuchhuahtu ni tûrin i inpeih tawh tihna a ni ang . . .
Bible i zir ziah a, i ṭawngṭai ziah a, kohhran inkhâwma i tel ziah chuan.
I thu zirte ngaihhlutna leh rinna i neih a, mi dangte hnênah hrilh i duh chuan.
Jehova i hmangaih a, amah hmangaihtute ṭhian ṭha atâna i thlan chuan.
Politics pâwl leh sakhaw dik lo nêna i inzawmna i tihchah tawh chuan.
Jehova tehnate mila nungin, Jehova Thuhretu pakhat nih i duh chuan.
Kohhranho ruala thu hril tûra inpeih tawh nia i inhriat chuan, Bible zirpuitu che chuan thu hril tûra i tlin theih dân sawipui tûra kohhran upate nêna inhmu tûrin ruahmanna a siamsak thei che.
Baptisma Chang Tûrin Ka Inpeih Tawh Em?
Hêngte hi i tih tawh chuan, baptisma chang tûrin i inpeih tawh tihna a ni ang . . .
Baptisma chang lo thuchhuahtu i nih tawh chuan.
I theih ang tâwka thu hrilh rawngbâwlnaa i tel ziah chuan.
“Bawih rinawm, fing tak” chu thlâwpin, an kaihhruaina i zui chuan.—Matthaia 24:45-47.
Pathian Jehova hnêna inpumpêk tawh a, chatuana a rawng bâwl i duh chuan.
Baptisma chang tûra inpeih tawh nia i inhriat chuan, Bible zirpuitu che chuan baptisma chang tûra i tlin theih dân sawipui tûra kohhran upate nêna inhmu tûrin ruahmanna a siamsak thei che.
