¿Mape bʼant ntene?
¿Mape bʼant ntene tuʼn wexe pakbʼal kyukʼil erman?
Maske naʼmx tbautisarina, jaku tzʼoka te pakbʼal...
qa naqʼliya tuʼn t-xnaqʼtzana tiʼj Tyol Dios, tuʼn tnaʼna Dios ex tuʼn t-xiʼya kyoj chmabʼil.
qa in nok qeʼ tkʼuʼja tiʼjju in nel tnikʼa tiʼj, qa in nok tqʼoʼna toklen ex taja tuʼn t-xi tqʼamaʼna kye txqantl.
qa kʼujlaʼn Jehová tuʼna ex kyuʼn tamiwa.
qa ya mintiʼ in nonina tiʼj política ex qa ya o tzʼel tpan tibʼa tiʼj okslabʼil nya ax tok.
qa in nanqʼina ik tzeʼn taj Dios ex taja tuʼn toka te testigo de Jehová.
Qa in kubʼ t-ximana qa ma bʼant ttena tuʼn texa pakbʼal kyukʼil erman, kxel tqʼamaʼn erman in qʼon xnaqʼtzbʼil teya kye ansyan. Ex che yolil ansyan tukʼila tuʼn tel kynikʼ tiʼj qa ma bʼant ttena tuʼn texa pakbʼal.
¿Mape bʼant ntene tuʼn nbautisarine?
Jaku bautisarina...
qa ya o tzʼoka te pakbʼal.
qa in nok tilil tuʼna tuʼn tpakbʼana.
qa in nonina tiʼj «majen in bʼant taqʼun [...] ex at tnabʼl», ex qa in xi tbʼiʼna aju in tzaj tqʼamaʼn (Mateo 24:45-47).
qa o txi tqʼamaʼna te Jehová toj jun naʼj Dios qa taja tuʼn tajbʼena te te jumajx.
Qa in kubʼ t-ximana qa ma bʼant ttena tuʼn tbautisarina, kxel tqʼamaʼn erman in qʼon xnaqʼtzbʼil teya kye ansyan. Ex che yolil ansyan tukʼila tuʼn tel kynikʼ tiʼj qa ma bʼant ttena tuʼn tbautisarina.
