¿A iyo tuʼva-sa?
¿A iyo tuʼva-sa tágua kaʼan-sa Tuʼun Yandios jín congregación?
Maa-ní ku̱ú kuu-ní ɨn publicador vese nduu janduté-ní nú...
... niini kaʼvi-ní Biblia, saʼa-ní sáʼan ji nú jaʼan-ní nu̱u̱ nda reunión congregación.
... kandija-ní ji teya̱ʼvi-ní ja kutuʼva-ní, de kúni-ní kaʼan-ní nu̱u̱ inka ñayí.
... kutoo-ní Jeová ji ndukú-ní ñayí ja kitaʼan jín-ní ja suni kutoo ji-Ya.
... sndoo̱-ní vaʼani̱ organización política axi veñuʼun túʼu̱n.
... saʼa-ní ja tetiñu Yandios de kúni-ní kuu-ní testigo Jeová.
Nú káʼán-ní ja iyo tuʼva-ní tágua kaʼan-ní Tuʼun Yandios jín congregación, ñayí ja steʼen nu̱u̱-ní kaʼan-ji nu̱u̱ nda anciano, de nda maa-de ka ndutútú-de jín-ní tágua ka kundeʼe-de nú saʼa chitú-ní nda tuʼun ja jikan.
¿A iyo tuʼva-sa tágua kuanduté-sa?
Maa-ní kuu kuanduté-ní nú...
... kuu-ní publicador vese nduu janduté-ní.
... niini kaʼan-ní Tuʼun Yandios ji chuʼun ini-ní ja saʼa-ní.
... chíndeé-ní “esclavo fiel ji prudente” de ka ndiki̱-ní nda tuʼun ja ka tetiñu-de (Mateo 24:45-47).
... saʼa-ní sáʼan tágua nakuáʼa-ní maa-ní nu̱u̱ Jeová, de kúni-ní satiñu-ní nɨkani nu̱u̱-Ya.
Nú káʼán-ní ja iyo tuʼva-ní tágua kuanduté-ní, ñayí ja steʼen nu̱u̱-ní kaʼan-ji nu̱u̱ nda anciano, de nda maa-de ka ndutútú-de jín-ní tágua ka kundeʼe-de nú saʼa chitú-ní nda tuʼun ja jikan.
