Rĩ, Nĩndithuranĩrĩte
Gũtũmĩĩria Amwe na Kĩũthũrano?
Woomba kwaa mũtũmĩĩria ũtĩrabatithua kethĩra . . .
Ũkamenyeria kwiritana Bibiria, kũromba, na gwĩta mĩcemanione ya kĩũthũrano.
Ũkoonania nkaatho kĩrĩ jarĩa ũkwiritana, ũjetĩkie na wende kwĩra antũ bangĩ mantũ jau.
Ũkenda Jehova na ũthuure acoore ba akuĩ barĩa bamwendete.
Nũtigĩte kwaa mũmemba wa gĩkundi kinya kĩrĩkũ kĩa gĩciaca kana kĩa ndini cia ũrongo.
Nũgũtũũra kũringana na mawaatho ja Jehova na nũkwenda kwaa ũmwe wa Akũũjĩ ba Jehova.
Rĩ, Nĩndithuranĩrĩte Kũbatithua?
Woomba kũbatithua kethĩra
Ũrĩ mũtũmĩĩria ũtĩrabatithua. . . .
Nũmenyeretie kũgwata mbaru ngũgĩ ya gũtũmĩĩria kũringana na ũũmbi bwaku.
Nũgwataga mbaru na ũkathingata ũtongeeria bwa “nthumba iria yagirite na injume.” —Mathayo 24:45-47.
Nwiritĩte kĩrĩ Jehova gũkũrũkĩĩra maromba, na nũkwenda kũmũtumĩkĩra kenya na kenya.
Kethĩra nũkwigua withuranĩrĩte gũtũmĩĩria amwe na kĩũthũrano, mwarimũ waaku wa Bibiria oomba kũthithia mĩbango nĩkenda ũcemania na akũrũ ba kĩũthũrano, bwarĩĩrie ũrĩa ũũmba gũkinyĩra ũntũ bũu.
