M Die Pɛkɛɛ Lɛ?
M Die Pɛkɛɛ Lɛ Kɛ M Da Nukielaa Ba Ko Lo Wɔ̃laũ Yiea Geea Si?
I die pɛkɛɛ lɛɛ bɛi kɛɛa i kɛ wɔ̃laũgeemi lɛ a batai kɛɛ wá nɛia ka ye ɓaa . . .
Kɛ Baaboa mɛdãpia, ɓaa sɛnɛɓo, ɛ̃ɛ̃ ɓaa lo nukiela mɔɔ pakiemɔ yi teelea ka.
Pɛ ɓaa mɛdãpiaa gɛ̃ wana ka, ɛ̃ɛ̃ ɓaa lɔkɛ a ka, to ɓaa naa ɓa gee mia ye o toa lɛɛ ka.
Lɔkɛ Zihova ka, ɛ̃ɛ̃ ɓaa mia lɛ o lɔkɛ a kaa kɛ i ɓɛĩ mia kaa ka.
Wɛlɛ gbini Wala lɛɛ kɔ nɛzɛ ba, ɛ̃ɛ̃ ɓaa i kɔɓo sɛlɛ liesiwɔ̃ baa ka.
Topia Zihova yiikɔ nia pie, ɛ̃ɛ̃ ɓaa naa i kɛ Zihova la Kelavɔɔ do kaa ka.
Ye ɓaa gɛ̃ gbaa kelɛ i die pɛkɛɛ lɛ i da nukielaa ba kaa lo wɔ̃laũ yiea geea sia, ɓa Baabo zɔ̃ɔ̃mi lɛɛ bɛi a geee mia diedievɔɔ lɛɛ kɛ o i gɛ̃ e kɛa bɛi lɛ i mɔ ɓa kɛɛ.
M Die Pɛkɛɛ Lɛ Kɛ O M Batai Kɛ?
I die pɛkɛɛ lɛɛ bɛi kɛɛa kɛ o i batai kɛ ye ɓaa . . .
Kɛ wɔ̃laũgeemi lɛ a batai kɛɛ wá nɛia ka.
Wɔ̃laũ yiea geepia teele luo lɛ ɓa si ɓa kɛaa ka.
I kɔya yɛɓo lɛ ‘yɛɓokɛmi gikããzɛ lɛ o bɛi o zo dɔɔ a mɔɔ’ a kɛɛ wi, ɛ̃ɛ̃ ɓaa to wɔ̃ a geea piea ka.—Mafiu 24:45-47.
I dienɔ Zihova lɛɛ sɛnɛɓo we yi kelɛ ɓaa naa i gbini a lɛɛ toakili kaa ka.
Ye ɓaa gɛ̃ gbaa kelɛ i die pɛkɛɛ lɛ o i batai kɛɛ, ɓa Baabo zɔ̃ɔ̃mi lɛɛ bɛi a geee mia diedievɔɔ lɛɛ kɛ o i gɛ̃ e kɛa bɛi lɛ i mɔ ɓa kɛɛ.