M segl n saame bɩ?
M segl n saame n na n naag tigingã n moond koɛɛgã bɩ?
Y segl n saame n na n lebg koe-moond sẽn pa reeg lisgu, . . .
Y sã n zãmsd Biiblã wakat fãa, n pʋʋsdẽ, la y kẽnd tigissã.
Y sã n nong bũmb nins y sẽn zãmsdã, n tẽeda, la y gomd rẽ yell ne neb a taaba.
Y sã n nong a Zeova, la y yõgd zood ne neb nins sẽn nong-a wã.
Y sã n kɩt tɩ b yẽes y yʋʋrã politik siglg bɩ ziri tũudum siglg pʋgẽ, n wilg tɩ y pa le naage.
Y sã n tũud a Zeova noyã y vɩɩmã pʋgẽ, la y rat n yɩ a Kaset soaba.
Y sã n tagsdame tɩ y segl n saame n na n naag tigingã n moond koɛɛgã, y Biibl karen-saambã na n gesame tɩ kãsem-dãmbã sõs ne-yã, sẽn na yɩl n bãng y sã n tõe n sɩngame.
M segl n saame n na n deeg lisg bɩ?
Y segl n saame n na n deeg lisgu, . . .
Y sã n yaa koe-moond sẽn pa reeg lisgu.
Y sã n naagd n moond koɛɛgã wa y sẽn tõe fãa.
Y sã n teend “tʋm-tʋmd sẽn tũud sɩd la sẽn tar yamã,” la y sakd n tũud noy la sagls nins a sẽn kõtã.—Matiye 24:45-47.
Y sã n pʋʋsa a Zeova n dɩk y mengã n kõ-a, la y rat n tũ-a wakat sẽn kõn sa yĩnga.
Y sã n tagsdame tɩ y segl n saame n na n deeg lisgu, y Biibl karen-saambã na n gesame tɩ kãsem-dãmbã sõs ne-yã, sẽn na yɩl n bãng y sã n tõe n deega lisgu.
