¿Á xa̱a̱ íyo tu̱ʼvai̱?
¿Á xa̱a̱ íyo tu̱ʼvai̱ ña̱ kitai̱ xíʼin na̱ congregación ña̱ natúʼi̱n xa̱ʼa̱ Ndióxi̱?
Kivi koún publicador na̱ kúma̱ní ndakuchi tá...
... ndiʼi ki̱vi̱ káʼviún Biblia, káʼún xíʼin Ndióxi̱ ta saátu xáʼún reunión.
... kándíxaún ña̱ sákuaʼún ta ndáyáʼviña nu̱ún, ta kúni̱ún natúʼún xíʼin inkana xa̱ʼa̱ña.
... kúʼvi̱-iniún xíniún Jehová ta kítáʼún xíʼin na̱ kúʼvi̱-ini xíni miíra.
... va̱ása kítáʼún xíʼin nda̱a̱ ni iin na̱ organización política á xíʼin na̱ veʼe-ñu̱ʼu vatá.
... kéʼún ña̱ káʼa̱n Ndióxi̱ ta kúni̱ún koún testigo Jehová.
Tá túviún ña̱ xa̱a̱ íyo tu̱ʼvaún ña̱ kitaún xíʼin na̱ congregación ña̱ natúʼún xa̱ʼa̱ Ndióxi̱, na̱ sánáʼa̱ yóʼó ka̱ʼa̱nna xíʼin na̱ anciano ta na̱yóʼo ndakutáʼanna xíʼún ña̱ va̱ʼa kotona á xa̱a̱ kéʼún ña̱yóʼo.
¿Á xa̱a̱ íyo tu̱ʼvai̱ ña̱ ndakuchii̱?
Kivi xa̱ún ndakuchiún tá...
... xa̱a̱ kúún publicador na̱ kúma̱ní ndakuchi.
... xa̱a̱ chíka̱ún ndee̱ ña̱ kíta ni̱ʼún nátúʼún xíʼin na̱ yiví xa̱ʼa̱ Ndióxi̱.
... chíndeétáʼún xíʼin ta̱ “esclavo ta̱ nda̱kúní-ini ta̱ ndíchiní” ta kéʼún ña̱ káʼa̱nra (Mateo 24:45-47).
... xa̱a̱ ni̱ka̱ʼún xíʼin Jehová ña̱ ndataxiún miíún ndaʼa̱ra, ta kúni̱ún kachíñún nu̱úra ndiʼi tiempo.
Tá túviún ña̱ xa̱a̱ íyo tu̱ʼvaún ña̱ ndakuchiún, na̱ sánáʼa̱ yóʼó ka̱ʼa̱nna xíʼin na̱ anciano ta na̱yóʼo ndakutáʼanna xíʼún ña̱ va̱ʼa kotona á xa̱a̱ kéʼún ña̱yóʼo.
