¿Uelisya?
¿Uelisya nitanojnotsas iniuan tokniuan itech nechikol?
Tejuatsin uelisya tiontanojnotsas komo...
... tionmomachtia Biblia, tikonchiua netataujtil uan tionyoui nochi nechikolmej.
... tikonpatiuita uan tikonneltoka tein tionmomachtijtok, uan tikonneki tikontapouis oksekin.
... tikontasojta Jiova uan tikontemoua tionmouikas iniuan akin no kitasojtaj.
... amo tionpouiok itech política nion itech se taneltokalis tein takajkayaua.
... tikontakamati itanauatiluan Jiova uan tikonneki tionmochiuas itaixpantijkauj Jiova.
Komo tikonnemilia ke uelisya tiontanojnotsas iniuan tokniuan itech nechikol, akin mitsonmachtia Biblia kiniluis tayekananij uan yejuan mouan tajtoskej uan kiitaskej ox tikonchiujtokya tein moneki.
¿Uelisya nimoauis?
Tejuatsin uelisya tionmoauis komo...
... tiontanojnotskej akin ayamo moauia.
... nochipa tiontanojnotsa tein tionueli.
... tikonpaleuia “takeual takuaujtamach uan tamatkej” uan tikontakamati tein tanauatia (Mateo 24:45-47, TNM).
... tikonchiuakya se netataujtil para tionmotemaktis iuan Jiova uan tikonneki tikontekitilis nochipa.
Komo tikonnemilia ke uelisya tionmoauis, akin mitsonmachtia Biblia kiniluis tayekananij uan yejuan mouan tajtoskej uan kiitaskej ox tikonchiujtokya tein moneki.
