¿Nikchiujtika tlen noneki?
¿Nikchiujtika tlen noneki para nitenojnotsas iuan tlanechikojli?
Tejua uelis titenojnotsas iuan tlanechikojli...
... tla nochipa timomachtia Biblia, tikchiua oración niman tla nochipa tiauj tlanechikoltin.
... tla tikneltoka niman tikpatiojkaita tlen timomachtijtika niman tla tikneki tikimijlis oksekimej tlen yotikasikamat ipan Biblia.
... tla tiktlasojtla Jehová niman tla akin imiuan timouika noijki kitlasojtlaj.
... tla xok timokalaktia ipan política niman tla xok titeuan ipan se religión tlen xmelauak.
... tla tikchiua tlen technauatia toTajtsin niman tla tikneki timochiuas iteixpantijkauj Jehová.
Tla tiknemilia ika iuelis titenojnotsas iuan tlanechikojli, xkijli akin mitsmachtia Biblia niman yejua kimijlis tlayekankej. Sakin, tlayekankej mouan nosentlaliskej niman ijkon kitaskej tla iuelis titenojnotsas.
¿Nikchiujtika tlen noneki para uelis ninoapolaktis?
Tejua uelis timoapolaktis...
... tla yopeuj titenojnotsa iuan tlanechikojli.
... tla timokojtilia chikauak titenojnotsas.
... tla tikpaleuiya niman tikchiua tlen kijtoua “tekitketl” yolmelauak niman tlamachilise (Mateo 24:45-47).
... tla yotikchiuili se oración Jehová kampa otikijli ika itech timosentemaka niman ika nochipa tikneki tiktekichiuilis.
Tla tiknemilia ika iuelis timoapolaktis, xkijli akin mitsmachtia Biblia niman yejua kimijlis tlayekankej. Sakin, tlayekankej mouan nosentlaliskej niman ijkon kitaskej tla iuelis timoapolaktis.
