Hadia No Ufaʼanö Ndraʼo?
Hadia No Ufaʼanö Ndraʼo ba Wanuriaigö Turia Somuso Dödö Fao ba Mbanua Niha Keriso?
Tola öfaʼanö ndraʼugö tobali sanuriaigö si lö mubayagö idanö na . . .
asese öbaso Zura Niʼamoniʼö, ölau mangandrö ba möiʼö ba gangowuloa.
öʼameʼegö tödö zi no öfahaʼö yaʼugö, öfaduhusi tödö ba omasiʼö ötutunö daʼö ba niha böʼö.
öʼomasiʼö Yehowa ba fahuwu ndraʼugö ba niha sangomasiʼö yaʼia.
lö fao ndraʼugö ba organisasi politik mazui ngawalö zoʼamakhaita ba agama faya.
öfaudugö waʼaurimö ba goi-goi Yehowa ba omasiʼö tobali Samaduhuʼö Yehowa.
Na no öfaʼanö ndraʼugö ba wanuriaigö turia somuso dödö fao ba mbanua niha Keriso, fatunö daʼö khö zamahaʼö yaʼugö ba Zura Niʼamoniʼö. Tola iʼalui ginötö enaʼö fahuhuo khömö ndra satua sokubaloi ba wanutunö hewisa enaʼö tola tobali ndraʼugö sanuriaigö si lö mubayagö idanö.
Hadia No Ufaʼanö Ndraʼo Irege Tola Tebayagö Idanö?
Tola öfaʼanö ndraʼugö enaʼö tebayagö idanö na no . . .
tobali ndraʼugö sanuriaigö si lö mubayagö idanö.
öforege ba wanuriaigö turia somuso dödö.
ötuhini ba öʼoʼö wanuturu lala nibeʼe ndra ’sawuyu si lö faröi ba satua-tua’. —Mataiʼo 24:45-47.
ölulu waʼaurimö khö Yehowa ba wangandrö ba omasiʼö öfosumange ia sagötö faʼara.
Na no öfaʼanö ndraʼugö enaʼö tebayagö idanö, fatunö daʼö khö zamahaʼö yaʼugö ba Zura Niʼamoniʼö. Tola iʼalui ginötö enaʼö fahuhuo khömö ndra satua sokubaloi ba wanutunö hewisa enaʼö tola tebayagö idanö ndraʼugö.
