Nyeteekateekire?
Nyeteekateekire Kubuurira n’Ekibiina?
Noobaasa kuba omubuurizi otabatiziibwe ku oraabe . . .
Nooyeyegyesa Baibuli butoosha, orikushaba, kandi orikuza n’omu nteerane z’ekibiina.
Noosiima ebi orikwega, orikubiikiriza, kandi orikukunda kubigambiraho abandi.
Nookunda Yehova, kandi orikunywana abarikumukunda.
Waayetaaniise aha kigombe kyona eky’obutegyeki nari ediini y’ebishuba.
Nooyorobera emitindo ya Yehova, kandi orikwenda kuba omwe aha Bajurizi be.
Ku oraabe nooteekateeka ngu ohikire kubuurira n’ekibiina, orikukwegyesa Baibuli naabaasa kutebeekanisa kugira ngu ogaaniireho n’abareeberezi kureeba yaaba noohikiiriza ebirikwetengyesa.
Nyeteekateekire Kubatizibwa?
Noobaasa kuba ohikire kubatizibwa ku oraabe . . .
Ori omubuurizi otabatiziibwe.
Nooyejumba omu kubuurira butoosha nk’oku orikubaasa.
Nooshagika ‘omwambari omwesigwa kandi ow’obwengye,’ orikugyendera n’aha buhabuzi bwe.—Matayo 24:45-47.
Waayehaireyo ahari Yehova omu kushaba, kandi orikwenda kumuheereza ebiro byona.
Ku oraabe nooteekateeka ngu ohikire kubatizibwa, orikukwegyesa Baibuli naabaasa kutebeekanisa kugira ngu ogaaniireho n’abareeberezi kureeba yaaba noohikiiriza ebirikwetengyesa.
