Kodi Ndakonzeka?
Kodi Ndakonzeka Kupalizira Pabodzi na Gwere?
Imwepo mungakhale mpalizi wakusaya kubatizidwa . . .
Mukambawerenga Bibliya ntsiku zentse, mukambapemba na kugumanika pa mitsonkhano ya gwere.
Mukambafuna na kukhulupira bzomwe mumbapfunza na kufuna kuuzambo wanthu winango.
Mukambafuna Yahova na kukhala pa uxamwali na wanthu omwe ambafunambo Yahovayo.
Mukapfudzisa dzina lanu na kusiyiratu kucita mbali ya ndale na gereja yakunama.
Mukafuna kucita bzinthu mwakubverana na mitemo ya Yahova ndipo mukafunambo kukhala Mboni ya Yahova.
Mukawona kuti mwakonzeka kuti muyambe kupalizira pabodzi na gwere, omwe ambakupfunzisani Bibliya angacite makonzedwe kuti muwonane na akulu kuti akuluwo akuuzeni bzomwe mungacite kuti muthemere kupalizira pabodzi na gwere.
Kodi Ndakonzeka Kubatizidwa?
Imwepo mungabatizidwe . . .
Mukakhala mpalizi wakusaya kubatizidwa.
Mukambacita nyongo yakupalizira momwe mungakwanisire.
Mukambathandiza “kapolo wakukhulupirika na wanzeru” na kuteweza malango yace. — Mateu 24:45-47.
Mukabzipereka kwa Yahova mwakucita mpembo na kufuna kumutumikira mpaka muyaya.
Mukawona kuti mwakonzeka kubatizidwa, omwe ambakupfunzisani Bibliya angacite makonzedwe kuti muwonane na akulu kuti akuluwo akuuzeni bzomwe mungacite kuti muthemere kubatizidwa.
