Asoo Meziezie Me Nwo?
Meziezie Me Nwo Kɛ Me Nee Asafo Ne Babɔ Nu Ahɔ Daselɛlilɛ Ɔ?
Ɛbahola wɔaziezie ɛ nwo wɔayɛ nolobɔlɛnli mɔɔ bɛtɛsɔnenle ye la . . .
Saa ɛsukoa Baebolo ne, ɛyɛ asɔne na ɛkɔ debiezukoalɛ dahuu a.
Saa ɛ nye die mɔɔ ɛlɛsukoa la anwo yɛɛ ɛdie ɛdi na ɛkulo kɛ ɛka nwolɛ edwɛkɛ ɛkile awie mɔ a.
Saa ɛkulo Gyihova na ɛfa menli mɔɔ kulo ye la agɔnwolɛ kyengye a.
Saa wɔhwe ɛ nwo wɔvi maanyɛlɛ eku anzɛɛ adalɛ ɛzonlenlɛ biala anwo a.
Saa ɛfa Gyihova ngyinlazo ne mɔ ɛbɔ wɔ ɛbɛla na ɛkulo kɛ ɛyɛ Gyihova Dasevolɛ a.
Saa ɛte nganeɛ kɛ wɔziezie ɛ nwo kɛ ɛ nee asafo ne babɔ nu ahɔ daselɛlilɛ a, wɔ Baebolo kilehilevolɛ ne bayɛ ngyehyɛleɛ yeamaa ɛ nee mgbanyima ne mɔ ayia na bɛazuzu kɛzi ɛbahola wɔahɔ bie la anwo.
Asoo Meziezie Me Nwo Kɛ Memaa Bɛazɔne Me?
Ɛbahola wɔaziezie ɛ nwo kɛ ɛmaa bɛazɔne wɔ . . .
Saa ɛle nolobɔlɛnli mɔɔ bɛtɛsɔnenle wɔ a.
Saa ɛbɔ mɔdenle ɛyɛ daselɛlilɛ gyima ne bie dahuu a.
Saa ɛboa “akɛlɛ nɔhavo nee badwema ne” yɛɛ ɛdi bɛ adehilelɛ zo a.—Mateyu 24:45-47.
Saa wɔyila ɛ nwo zo wɔmaa Gyihova wɔ asɔneyɛlɛ nu na ɛkulo kɛ ɛsonle ye dahuu a.
Saa ɛte nganeɛ kɛ wɔziezie ɛ nwo kɛ ɛmaa bɛazɔne wɔ a, wɔ Baebolo kilehilevolɛ ne bayɛ ngyehyɛleɛ yeamaa ɛ nee mgbanyima ne mɔ ayia na bɛazuzu kɛzi ɛbahola wɔafɛta la anwo.
