¿Ha ya xtä nsa̱?
¿Ha ya dä za̱ gä po̱ni gä predika ko nuʼu̱ yu̱ kü?
Dä za̱ gi publikador madägeʼä di ʼbe̱di gi nxixña geʼbu̱...
... nzäntho gi nxa̱ʼä Biblia, gi ora ʼne nzäntho gi pa yu̱ mpe̱ti.
... gi ëʼkyëi ʼne gi u̱rpä gue̱ndaʼä gi nxa̱di, ʼne gi ne gi xiʼu̱ miʼra nuʼä xkä pädi.
... gi huëki o gi mäʼä Jeoba ʼne kextä gi nsixui xi nhoʼu̱ miʼra ge mädi o ge neʼä Jeoba.
... ya gä po̱mbu̱ ja yu̱ nʼtëʼkyëi hinmajuäni ʼne nubu̱ ja politika.
... nzäntho gi te̱nnu̱ yu̱ nʼtëdiʼä Ojä ʼne yu̱ nʼtsofo ʼne gi ne gi testigoʼä Jeoba.
Geʼbu̱ gi mbëni ge ya sa̱ gi po̱ni gi predika ko nuʼu̱ yu̱ kü, dä za̱ gi xiʼä xa̱nnaʼä Biblia, nuʼä, di ñahu̱ʼu̱ yu̱ ansiano, ʼne nuʼu̱ yu̱ ansiano dä xiʼi geʼbu̱ ya sa̱ gi po̱ni gi predika ko nuʼu̱ yu̱ kü.
¿Ha ya dä za̱ gä nxixña?
Dä za̱ gi nxixña geʼbu̱...
... ya gi publikador.
... nzäntho gi o̱ʼtä ʼtse̱di gi po̱ni gi predika.
... gi fa̱xä “esclavo fiel y prudente” ʼne gi te̱nnu̱ yu̱ nʼtsofo (Mateo 24:45-47).
... ya xkä orabiʼä Jeoba pa gi xifi ge gi ne gi da̱pni te ʼne nzäntho gi ne gi ʼyo̱rpä na pa̱ha.
Geʼbu̱ gi mbëni ge ya sa̱ gi nxixña, nuʼä xa̱nnaʼä Biblia di ñahu̱ʼu̱ yu̱ ansiano, ʼne nuʼu̱ yu̱ ansiano dä xiʼi geʼbu̱ ya sa̱ gi nxixña.
