Mi Ta Cla?
Mi Ta Cla pa Predica cu e Congregacion?
Bo por bira un publicador cu no ta batisa si ...
regularmente bo ta studia Bijbel, ta haci oracion y ta asisti na reunion.
bo ta balora y ta kere den loke bo ta siñando y kier comparti loke bo ta siña cu otro hende.
bo ta stima Jehova y ta scoge amigo cu tambe ta stim’e.
bo no ta forma parti di ningun organisacion politico ni di ningun religion falso.
bo ta biba di acuerdo cu e normanan di Jehova y kier bira un testigo di Jehova.
Si bo ta sinti cu bo ta cla pa predica cu e congregacion, e ruman cu ta duna bo curso di Bijbel por informa e ancianonan di bo deseo, y nan lo papia cu bo y laga bo sa si bo ta cla pa predica.
Mi Ta Cla pa Batisa?
Bo por batisa si bo ...
ta un publicador cu no ta batisa.
ta haci esfuerso pa predica regularmente y ta haci mas tanto posibel den e trabou di predica.
ta apoya “e esclavo fiel y prudente” y ta sigui su guia.—Mateo 24:45-47.
a dedica bo mes na Jehova den oracion y kier sirbie pa semper.
Si bo ta sinti cu bo ta cla pa batisa, e ruman cu ta duna bo curso di Bijbel por informa e ancianonan di bo deseo y nan lo papia cu bo y laga bo sa si bo ta cualifica.
