کیہہ میں تیار آں؟
کیہہ میں کلیسیا نال مِل کے مُنادی کرن لئی تیار آں؟
تُسی غیربپتسمہیافتہ مبشر بن سکدے او جے تُسی . . .
باقاعدگی نال بائبل پڑھدے او، دُعا کردے او تے عبادتاں تے جاندے او۔
اوہناں گلاں تے ایمان رکھدے او جیہڑیاں تُسی سکھ رہے او تے اوہناں بارے دُوجیاں نُوں وی دَسدے او۔
یہوواہ نُوں پیار کردے او تے ایہو جہے لوکاں نُوں دوست بناندے او جیہڑے اوہنوں پیار کردے نیں۔
اوس سیاسی پارٹی یاں جھوٹھی تلیم دین والے اوس مذہب نال اپنا تعلق ختم کر چُکے او جدا تُسی پہلاں حصہ ہوندے سو۔
یہوواہ دے معیاراں مطابق زندگی گزار دے او تے اوہدے گواہ بننا چاہندے او۔
جے توانوں لگدا اے کہ تُسی کلیسیا دے نال مِل کے مُنادی کرن لئی تیار او تے فیر اوس بندے نُوں دَسو جیہڑا توانوں بائبل کورس کراندا اے۔ اوہ توانوں کلیسیا دے بزرگاں نال ملوائے گا تاکہ اوہ ایس بارے تواڈی رہنمائی کر سکن۔
کیہہ میں بپتسمہ لین لئی تیار آں؟
تُسی بپتسمہ لے سکدے او جے تُسی . . .
غیربپتسمہیافتہ مبشر او۔
باقاعدگی نال مُنادی کردے او۔
وفادار تے سمجھدار غلام دا ساتھ دیندے او تے اوہدیاں ہدیتاں تے عمل کردے او۔ (متی 24:45-47)
دُعا چ یہوواہ نُوں دَس چُکے او کہ تُسی اپنی زندگی اوہدے ناں کرنا چاہندے او تے ہمیشاں اوہدی خدمت کرنا چاہندے او۔
جے توانوں لگدا اے کہ تُسی بپتسمہ لین لئی تیار او تے فیر اوس بندے نُوں دَسو جیہڑا توانوں بائبل کورس کراندا اے۔ اوہ توانوں کلیسیا دے بزرگاں نال ملوائے گا تاکہ اوہ ایس بارے تواڈی رہنمائی کر سکن۔
