¿Anakkupakpam tyityam nasuntaap?
¿Wɨabam amput jeʼm an̈matkuyjom kun jeʼm tɨwɨtam?
Mex iga dyanam michin̈neʼ, mich wɨabam imput jeʼm an̈matkuyjom siiga...
... juchixkej in̈kuyujkaʼaba jeʼm Biblia, inin̈wejpaʼtpa Jehová y miñɨkpa jeʼm an̈tuʼumaajiyaj.
... in̈kupɨkpa y iñchoowaixpa jempɨk sɨʼ in̈kuyujkaʼ y inin̈madayyajtoʼoba tun̈gakyaj.
... iñtyoyba Jehová y iniity amigojyaj iga ityoyyajpatyim.
... dyam mityɨgɨykuʼmpa kun jeʼm política ni kun jeʼm religiónyaj mɨgoyyajpaʼap.
... in̈kupɨkpa jeʼm Dios ian̈kiʼmayoʼoyi iñityijom y michɨʼytyoʼoba juʼuts Jehová itestigo.
Siiga iñjɨɨspa iga wɨabam inin̈mat jeʼm Dios In̈maatyi tɨk por tɨk kun jeʼm tɨwɨtam, jempɨk mikkuyujpa kun jeʼm Biblia iñɨʼmaʼyba jeʼm ancianojyaj, y jeʼeyaj minimuruyajpa y miñɨʼmayyajpa siiga sɨʼbam inikkupak tyityam nasuntaap.
¿Wɨabam anchin̈?
Mich wɨabam iñchin̈ siiga...
... miputpam tɨk por tɨk mex iga dyanam in̈kɨʼan̈kodayñeʼ iñityi Jehová.
... juchixkej inin̈matpa jeʼm Dios In̈maatyi juʼtspɨyam miwɨap.
... juchixkej in̈kupɨkpa ityumpɨy jempɨk nɨmpa jeʼm «esclavo fiel y prudente» (Mateo 24:45-47).
... inin̈wejpaʼtneum Jehová iga in̈kɨʼan̈kodaʼyba jeʼm iñityi, iga in̈kuyooxaap juchixkej.
Siiga iñjɨɨspa iga wɨabam iñchin̈, jempɨk mikkuyujpa kun jeʼm Biblia iñɨʼmaʼyba jeʼm ancianojyaj, y jeʼeyaj minimuruyajpa y miñɨʼmayyajpa siiga sɨʼbam inikkupak tyityam nasuntaap.
