I Onopadahr?
I Onopadahngehr Iang Mwomwohdiso Kalohk?
Ke onopadahngehr wiahla sounkalohk men me saikinte papidais ma ke . . .
Kin kaukaule onopki Paipel, kapakap oh towehda mihting en mwomwohdiso kan.
Kin kesempwalki oh kamehlele dahme ke sukuhlki oh men padahkihong meteikan.
Kin poakohng Siohwa oh wiakihla irail kan me kin poakohng ih kompoakepahmw keren.
Solahr wia kisehn palien politik de pelien lamalam likamw kan.
Kin mour pahrekiong sapwellimen Siohwa koasoandi kan oh men wiahla emen Sounkadehdehn Siohwa.
Ma ke medewe me ke onopadahngehr iang mwomwohdiso kalohk, aramas me kin onop Paipel rehmwo kak koasoanehdi ken tuhwong elder kan pwehn koasoiapene dahme ke kak wia pwe ken iang.
I Onopadahngehr Papidaisla?
Ke onopadahngehr papidaisla ma ke . . .
Wialahr sounkalohk men me saikinte papidais.
Kin kaukaule iang doadoahk en kalohk ni uwen me ke kak.
Kin utung “ladu lelepek oh loalokong” oh idawehn ar kaweid.—Madiu 24:45-47.
Inoukihongehr Siohwa omw mour ni kapakap oh men papah ih kohkohlahte.
Ma ke medewe me ke onopadahngehr papidaisla, aramas me kin onop Paipel rehmwo kak koasoanehdi ken tuhwong elder kan pwehn koasoiapene dahme ke kak wia pwe ken papidaisla.
