Sera ki N sta pruntu?
Sera ki N sta pruntu pa prega ku kongregason?
Bu pudi sta pruntu pa sedu publikadur ku ka batisa si bu . . .
Ta studa Biblia, ora i mati runions di kongregason sempri.
Ama i fia na ke ku bu sta na aprindi i misti konta utrus el.
Ama Jeova i kuji suma amigus intimu kilis ku amal.
Tira bu nomi suma membru di kualker partidu pulitiku o riliẑion falsu.
Ta vivi di akordu ku normas di Jeova i misti sedu un di Tustumuñas di Jeova.
Si bu sinti kuma bu sta pruntu pa prega ku kongregason, kin ku ta studa Biblia ku bo na fasi aranẑu pa bu oja ku ansions, i e na kombersa ku bo pa jubi si bu sta pruntu.
Sera ki N sta pruntu pa batisa?
Bu pudi sta pruntu pa batisa si bu . . .
Sedu publikadur ku ka batisa.
Ta partisipa sempri na tarbaju di pregason mas ku bu pudi.
Ta apoia i sigi orientason di “servu jiru, di fiansa”. — Mateus 24:45-47.
Dedika ja bu vida pa Jeova na orason i misti sirbil pa sempri.
Si bu sinti kuma bu sta pruntu pa batisa, kin ku ta studa Biblia ku bo na fasi aranẑu pa bu oja ku ansions, i e na kombersa ku bo pa jubi si bu sta pruntu.
