¿Wakichisqañachu kashani?
¿Predicanaypaj wakichisqañachu kashani?
Predicaj llojsinaykipajqa kay imasta ruway:
Bibliata sapa kuti estudiay, Diosmanta mañakuy, tantakuykunamanpis mana faltakuspa riy.
Yachakusqaykita jatunpaj qhaway, chayta wajkunaman willarinaykipajtaj kallpachakuy.
Jehovata munakuy, payta munakojkunawantaj masichakuy.
Politicaman chhapusqa kashanki chayri llulla religionpiraj kashanki chayqa, chaymanta llojsipuy.
Jehovaj kamachiykunasninta kasukuy, paypa testigon kayta munasqaykitataj rikuchiy.
Predicaj llojsinaykipaj wakichisqaña kasqaykita yuyanki chayqa, yachachisojniykiman willariy, paytaj ancianosman chayta willanqa. Chantá ancianos qanwan tantakonqanku predicaj llojsiyta atisqaykitañachus manachus qhawarinankupaj.
¿Bautizakunaypaj wakichisqañachu kashani?
Bautizakunaykipajqa kay imasta ruway:
Hermanoswan khuska predicaj llojsiy.
Sapa killa tukuy atisqaykita predicay.
‘Allin kamachi yuyayniyojpa’ churasqan kamachiykunata kasukuy (Mateo 24:45-47).
Jehovaman kausayniykita uj mañakuypi jaywapuy, payllatataj wiñaypaj sirviyta ajllay.
Bautizakunaykipaj wakichisqaña kasqaykita yuyanki chayqa, yachachisojniykiman willariy, paytaj ancianosman chayta willanqa. Chantá ancianos qanwan tantakonqanku bautizakuyta atisqaykitañachus manachus qhawarinankupaj.
