¿La kinkun chik?
¿La kinkun chik kintzijoj ri utzij ri Dios rukʼ ri congregación?
Katkunik katux publicador we...
... amaqʼel kanikʼoj ri Biblia, kabʼan achʼawem y katbʼe pa ri e riqbʼal ibʼ.
... kakojo y nim kawil ri tajin kawetaʼmaj chrij ri Biblia, y kawaj kaya ubʼixik chke nikʼaj chik.
... kaloqʼoqʼej ri Jehová y katzukuj awachiʼl che xuqujeʼ kkiloqʼoqʼej.
... kanim ta chi awibʼ pa política o pa ri qastzij taj kojonem.
... kabʼan pa ri akʼaslemal ri utaqanik ri Jehová y kawaj katux testigo rech Jehová.
We kachomaj che katkun chik katzijoj ri utzij ri Dios rukʼ ri congregación, ri awajtij re ri Biblia kubʼij na chke ri kʼamal taq bʼe, ri e areʼ ketzijon na awukʼ rech kkilo we katkun chik katux publicador.
¿La kinkun chik kinbʼan nuqasanjaʼ?
Katkunik kabʼan ri aqasanjaʼ we...
... at publicador chik.
... amaqʼel katel che utzijoxik ri utzij ri Dios y kabʼan ronojel ri katkun che ubʼanik.
... kaya ri atobʼanik che «ri jikalaj pataninel, utz uchomanik» y kanimaj ri utaqanik (Mateo 24:45-47).
... ajachom chi ri akʼaslemal che ri Jehová pa jun chʼawem, y kawaj kapatanij pa ronojel ri akʼaslemal.
We kachomaj che katkun chik kabʼan aqasanjaʼ, ri awajtij re ri Biblia kubʼij na chke ri kʼamal taq bʼe, ri e areʼ ketzijon na awukʼ rech kkilo we katkun chik kabʼan ri aqasanjaʼ.
