¿Listunaku këkä?
¿Diospita yachatsikoq yarqunäpaq listunaku këkä?
Diospita yachatsikoq yarqunëkipaqqa...
... Bibliatam cada junaq leyinëki, Diosmanmi mañakunëki y reunionkunamanmi ëwanëki.
... yachakunqëkitam valoranëki, y jukkunatam yachatsinëki.
... Jehovätam kuyanëki y pëta kuyaqkunallawanmi amïgu kanëki.
... manam polïticaman mëtikunëkitsu y mana alli religionpitam yarqukunëki.
... Jehovä mandakunqankunatam cäsukunëki y Jehoväpa testïgun kanëkipaqmi kallpachakunëki.
Diospita yachatsikoq yarqunëkipaq listuna kaptikiqa, Bibliapita yachatsishoqnikim anciänukunawan parlanqa, y pëkunanam qamwan parlayanqa listuna këkanqëkita o imakunata ruranëki pishinqanta niyäshunëkipaq.
¿Bautizakunäpaq listunaku këkä?
Bautizakunëkipaqqa...
... Diospita yachatsikoqmi congregacionwan yarqunëkina.
... Seguïdu y llapan puëdinqëkimannömi Diospita yachatsikoq yarqunëki.
... “Alli juiciuyoq y confiakuypaq sirwipakoq” ninqantam cäsukunëki (Mateu 24:45-47).
... manaraq bautizakurmi Jehoväman mañakur ninëki pë munanqannö kawanëkipaq y pëllatana sirwinëkipaq.
Bautizakunëkipaq listuna kaptikiqa, Bibliapita yachatsishoqnikim anciänukunawan parlanqa y pëkunanam qamwan parlayanqa listuna këkanqëkita o imakunata ruranëki pishinqanta niyäshunëkipaq.