¿Purunturishca anichu?
¿Congregacionmanda huauqui paniunahua Bibliamanda yachachingaj purunturishca anichu?
Mana bautisarishca publicador tucungaj caita rurangui:
Bibliara caran cuti estudiangui, Diosta oracionda rangui, congregacionmanda tandarinaunamas shamuna angui.
Can yachaushcara quirisha valichisha shujcunara cuintanas angui.
Jehová Diosta llaquingui, paita llaquij amigogunara mascana angui.
Maicans politicamanda organizacionda o panda religiondas shu rai saquina angui.
Dios mandashcaunara camba causaibi pactachisha Jehovahuaj testigo tucuna munaira charina angui.
Congregacionmanda huauqui paniunahua Bibliamanda yachachingaj can ña purunturishca ani nisha iyasha canda yachachijhua rimai. Ancianogunahua pai cuintanga, paiguna canhua tandarisha ricununga can ña purunturishca ashcara publicador tucungaj.
¿Bautisaringahua purunturishca anichu?
Bautisaringahua caita rurana angui:
Ña huauqui paniunahua Bibliamanda yachachiuna ana angui.
Tucui huras, tucui can ushashca tupu Bibliamanda yachachina angui.
“Ali llaquij iyaiyuj sirvij” runara yanapasha pai mandashcaunara casuna angui (Mateo 24:45-47).
Jehová Diospajma mingaringaj oracionda mañana angui paita huiñai huiñaigama sirvingaj.
Bautisaringahua can ña purunturishca ani nisha iyasha canda yachachijhua rimai. Ancianogunahua pai cuintanga, paiguna canhua tandarisha ricununga can ña purunturishca ashcara bautisaringaj.
