¿Listochu cani?
¿Huauquipanicunahuan predicacionman llujshingapaca ñachu listo cani?
Publicador no bautizado tucungapaca caicunatami ña pactachijuna capangui:
Bibliata cada punlla liina, oracionda rurana, reuniongunaman rina costumbretami charina capangui.
Imata yachajushcapi tucui shunguhuanmi crina capangui. Y shujcunaman predicana munaitapashmi charina capangui.
Jehová Diostami juyana capangui. Y shinallata paita juyaj amigocunatami charina capangui.
Política cosascunata, panda religiongunatapashmi saquitapacha saquina capangui.
Jehová Diospa mandashcacunatami quiquinba causaipi pactachina capangui. Y testigo de Jehová tucuna munaitapashmi charina capangui.
Congregacionmanda huauquipanicunahuan predicangapaj listo sintirishpaca, quiquinda Bibliamanda yachachijujmi ancianocunaman villanga. Paicunami quiquin tucuilla requisitocunata pactachijushcata o na pactachijushcata ricunga.
¿Bautizaringapaca ñachu listo cani?
Bautizaringapaca caicunatami pactachijuna capangui:
Ñami publicador no bautizado cana capangui.
Predicacionman siempre llujshina costumbretami charina capangui.
‘Aliguta cazushpa, aliguta pensarishpa sirvij esclavotami’ apoyana capangui. Y paipa instrucciongunatapashmi catina capangui (Mateo 24:45-47).
Jehová Diostalla sirvingapaj decidishcata ricuchingapami sololla cashpa shuj oracionguta rurana capangui.
Bautizaringapaj ña listo sintirishpaca, quiquinda Bibliamanda yachachijujmi ancianocunaman villanga. Paicunami quiquin tucuilla requisitocunata pactachijushcata o na pactachijushcata ricunga.
