Дали сиум спремно?
Дали сиум спремно те проповединав заедно е собраниеа?
Шај те ове некрстено објавители ако...
редовно проучинеа и Библија, молинеа тут хем џаја ко состанокија.
ценинеа хем верујнеа ко адава со сикљовеа хем иси тут желба те вакере е јаверенге башо адава.
мангеа е Јехова хем биринеа туке амален кола со мангена ле.
на сиан члени ки несави политичко или религиозно организација.
живинеа спрема е Јеховаскере мерилија хем мангеа те ове е Јеховаскоро сведоко.
Ако мислинеа кај сиан спремно те проповедине заедно е собраниеа, вакер адава околеске со проучинела туја хем ов ка договоринел пе е старешиненцар те керен туја лафи.
Дали сиум спремно те крстинав ман?
Шај те крстине тут ако...
сиан некрстено објавители.
проповединеа редовно кобор со шај.
слединеа о упатствија хем о водство таро „верно хем разборито робо“ (Матеј 24:45-47).
ки молитва денѓан лафи е Јеховаске кај ка служине леске цело живото.
Ако мислинеа кај сиан спремно те крстине тут, вакер адава околеске со проучинела туја хем ов ка договоринел пе е старешиненцар те керен туја лафи.
