Готово ли синьом?
Готово ли синьом те проповединав околенца таро сбори?
Може би синян готово те ачшовес непокръстено вестители, ако...
Редовно изучинес и Библия, молинес тут тай авес ко събрания.
Ценинес о букя, колато сикльовес, верувинес ленде тай мангес те пхенес лен околенге.
Дехес е Йеховас тай мангес те овес амал е манушенца, колато също дехен лес.
Вече на синян част тари политика или тари хохавни религия.
Керес те животосте о букя, колато мангел о Йехова, тай мангес те овес йекх таре Йеховаскере Свидетеля.
Ако мислинес, кай синян готово те проповединес околенца таро сбори, о мануш, ковато изучинел и Библия туса, ащи те пхенел е старейшиниенге те хоратинен туса. Лендар ка ахальовес со те керес, за те овес готово.
Готово ли синьом те покръстинав ман?
Може би синян готово те покръстинес тут, ако...
Вече синян непокръстено вестители.
Дес всичко тутар, за те проповединес кизом ащи по-бут.
Приеминес тай керес о букя, колато пхенел „о верно тай разумно роби“. (Матей 24:45-47)
Йекхе молитвате пхенгян, кай отдес то животос е Йеховаске тай мангес те служинес леске завинаги.
Ако мислинес, кай синян готово те покръстинес тут, о мануш, ковато изучинел и Библия туса, ащи те пхенел е старейшиниенге те хоратинен туса. Лендар ка ахальовес со те керес, за те овес готово.
