Qixxaawoommo?
Songote Ledo Mitteenni Soqqamate Qixxaawoommo?
Aane noore assittoro, cuuaminokki halashshaancho ikka dandaatto:
Ganyite Qullaawa Maxaafa xiinxallattoha, huuccatto assiˈrattohanna songote gambooshshe haˈrattoha ikkiro.
Rossanni nootto roso baxattohanna ammanattoha hattono wolu mannira kula hasiˈrattoha ikkiro.
Yihowa baxattohanna iso baxxannori ledo jaalooˈmattoha ikkiro.
Poletiku woy kaphu ammaˈno dirijjitta baalante giddonni fuloottoha ikkiro.
Yihowa seeri garinni heeˈrattohanna Yihowa Farciˈraasincho ikka hasiˈrattoha ikkiro.
Songote ledo mitteenni soqqamate qixxaawoommo yite hedattoha ikkiro, Qullaawu Maxaafi rosiisaanchikki ikkado ikka dandaatto gara cimeeyyete ledo xaaddine hasaabbinanni gede assa dandaanno.
Cuuamate Qixxaawoommo?
Konni woroonni noore assittoro, cuuamate qixxaawoottoha ikka dandaatto:
Cuuaminokki halashshaancho ikkittoro.
Wolqakki assitu deerrinni ganyite sabbakate looso loosattoha ikkiro.
“Ammanaminohunna wodanaamu borojjichi” ledo kaaˈlamattohanna aanno biddishsha harunsattoha ikkiro.—Maatewoosi 24:45-47, NW.
Huuccattotenni heeshshokki Yihowara sayisse oottohanna isira hegerera soqqantanni heeˈra hasiˈrattoha ikkiro.
Cuuamate qixxaawoommo yite hedattoha ikkiro, Qullaawu Maxaafi rosiisaanchikki ikkado ikka dandaatto gara cimeeyyete ledo xaaddine hasaabbinanni gede assa dandaanno.
