Parè va Aho?
Parè Hitory Miaraky amy Fiangona va Aho?
Mety fa parè ho mpitory tsy vita batisa iha laha...
mianatsy Baiboly tsy tampaky, mivavaky, noho mamonjy fivoria.
tea noho mino ty raha ianaranao amy Baiboly ao sady ta hiresaky ani-raha zay amin’olo hafa.
tea ani-Jehovah sady minama amin’olo tea azy koa.
tsy miharo amy fikambana ara-politiky na misy ifandrambesany amy fivavaha diso.
miay mifanaraky amy fitsipikini-Jehovah sady maniry ho lasa Vavolombeloni-Jehovah.
Laha mahatsapa iha hoe fa parè hitory miaraky amy fiangona, le volano ty mpampianatsy Baiboly anao mba hifanao fotoa amy anti-panahy. Hiaraky hidiniky amy anti-panahy rey amy zay nareo mba hahità laha fa azo atao mpitory vatany iha.
Parè Hatao Batisa va Aho?
Mety fa parè hatao batisa iha laha...
fa mpitory tsy vita batitsa.
manao ze farany maro vitanao amy asa fitoria.
manoha noho manaraky ty torolala baka amy “mpanompo azo atokisa noho mahihitsy.”—Matio 24:45-47.
fa nivavaky mba hanokam-bata ho ani-Jehovah sady maniry hanompo azy zisiky farany.
Laha mahatsapa iha hoe fa parè hatao batisa, le volano ty mpampianatsy Baiboly anao mba hifanao fotoa amy anti-panahy. Hiaraky hidiniky amy anti-panahy rey amy zay iha mba hahità laha fa azo atao batisa vatany.
