Na ke se ke Itokisitse?
Na ke se ke Itokiselitse ho Ruta Bibele le Phutheho?
U tla be u bontša hore u itokiselitse ho ba mohoeletsi ea sa kolobetsoang haeba u . . .
Bala Bibele kamehla, u rapela ebile u ea libokeng tsa phutheho.
Rata ebile u lumela seo u ithutang sona hape u batla ho se bolella batho ba bang.
Rata Jehova ebile u khetha metsoalle e mo ratang.
Tlohetse ho ba setho sa mokhatlo oa lipolotiki kapa sa bolumeli bo bong.
Phela ka melao ea Jehova hape u batla ho ba Paki ea Jehova.
Haeba u se u itokiselitse ho ruta Bibele le phutheho, motho eo u ithutang Bibele le eena o tla u thusa hore u kopane le baholo e le hore ba bone hore na oa tšoaneleha.
Na ke Itokiselitse ho Kolobetsoa?
U tla be u bontša hore u itokiselitse ho kolobetsoa haeba u . . .
Mohoeletsi ea sa kolobetsoang.
Leka ho buisana le batho ka molaetsa oa Bibele kamehla.
Tšehetsa ebile u latela tataiso ea “lekhoba le tšepahalang le le masene.”—Matheu 24:45-47.
Inehetse ho Jehova ka thapelo ebile u batla ho mo sebeletsa bophelo ba hao bohle.
Haeba u se u itokiselitse ho kolobetsoa, motho eo u ithutang Bibele le eena o tla u thusa hore u kopane le baholo e le hore ba bone hore na oa tšoaneleha.
