Na ke se ke Itokisitse?
Na ke se ke Itokiseditse ho Ruta Bibele le Phutheho?
O tla be o bontsha hore o itokiseditse ho ba mohweletsi ya sa kolobetswang haeba o . . .
Bala Bibele ka mehla, o rapela ebile o ya dibokeng tsa phutheho.
Rata ebile o dumela seo o ithutang sona hape o batla ho se bolella batho ba bang.
Rata Jehova ebile o kgetha metswalle e mo ratang.
Tlohetse ho ba setho sa mokgatlo wa dipolotiki kapa sa bodumedi bo bong.
Phela ka melao ya Jehova hape o batla ho ba Paki ya Jehova.
Na ke Itokiseditse ho Kolobetswa?
O tla be o bontsha hore o itokiseditse ho kolobetswa haeba o . . .
• Mohweletsi ya sa kolobetswang.
Leka ho buisana le batho ka molaetsa wa Bibele ka mehla.
Tshehetsa ebile o latela tataiso ya “lekgoba le tshepahalang le le masene.”—Matheu 24:45-47.
Inehetse ho Jehova ka thapelo ebile o batla ho mo sebeletsa bophelo ba hao bohle.
Haeba o se o itokiseditse ho ruta Bibele le phutheho, motho eo o ithutang Bibele le yena o tla o thusa hore o kopane le baholo e le hore ba bone hore na o a tshwaneleha.
Haeba o se o itokiseditse ho kolobetswa, motho eo o ithutang Bibele le yena o tla o thusa hore o kopane le baholo e le hore ba bone hore na o a tshwaneleha.