Kua Hauni Au?
Kua Hauni Au ke Talaki Fakatahi Ma te Fakapotopotoga?
Atonu kua hauni koe ke kavea ma tino talaki ko he ki papatiho kafai kua ke . . .
Hukehuke e he aunoa te Tuhi Paia, tatalo, ma auai ki na hauniga.
Talihapaia ma talitonu ki na mea kua ke akoakoa ma naunau ke fakailoa atu ki ietahi.
Alofa ki a Ieova ma fakauō vavalalata atu ki a te ki latou e alolofa ki a te ia.
Fano kehe mai na faiga fakapolitiki pe ko na lotu hēhē nae iei koe muamua.
Ola e ogatuha ma na tapulā a Ieova ma kua fofou koe ke kavea ma Molimau a Ieova.
Kafai koe kua fofou ke talaki fakatahi ma te fakapotopotoga, e mafai ke fakatulaga e to faiaoga o te Tuhi Paia he talanoaga ma te kau toeaina ke iloilo pe kua agavaka koe.
Kua Hauni Au ke Papatiho?
Atonu koe kua hauni ke papatiho kafai koe . . .
Kua kavea ma tagata talaki ko heki papatiho.
Kua fai e he aunoa ho hao i te galuega talaki.
Kua ke lagolagoa ma mulimuli ki te takitakiga a “le pologa faamaoni ma le faautauta.”—Mataio 24:45-47.
Kua uma te ke faia o te tukutoina atu ki a Ieova e ala i te tatalo ma ko koe kua fofou ke kaukauna ki a te ia e fakavavau.
Kafai koe kua fofou ke papatiho, e mafai ke fakatulaga e to faiaoga o te Tuhi Paia he talanoaga ma te kau toeaina ke iloilo pe kua agavaka koe.
