Ina nyi dongide?
Ina nyi dongide gu tshumayela ni libandla?
U nga khala muhuweleyi nya mba bhabhatiswa wo ba . . .
U hevbula Bhibhiliya, u gombeya ni gu hongola mitshanganoni tepo yatshavbo.
U gola lisine, u khodwa esi u si hevbulago ni gu bwe u bhuleya vambe.
U haladza Jehovha ni gu hagana ni vathu va mu haladzago.
U si lumbi gambe wukhongeyi nya malipha mwendro hengeledzano nya politika.
U vbanya khu milayo ya Jehovha ni gu dzina gu khala mweyo nya Dzifakazi dza Jehovha.
Wo ba u dongide gu tshumayela ni libandla, muhevbudzi wago a na gira malulamiselo nya gu u tshangana ni madhota gasi ma wona gu khayo u dongide gu khala muhuweleyi mwendro ne.
Ina nyi dongide gu bhabhatiswa?
U nga bhabhatiswa wo ba . . .
Uri muhuweleyi nya mba bhabhatiswa.
U patega thumoni nyo tshumayele tepo yatshavbo, khavba u si kodzago khavbo.
U seketeya ni gu landrisa sileletelo hi ningwago khu “githumi nya gutumbege ni nya gugengeye.” — Matewu 24:45-47.
U dzi hendzeledzide ga Jehovha khu nombelo ni gu ba u dzina gu mu thumeya kala gupindruga.
Wo ba u dongide gu bhabhatiswa, muhevbudzi wago nya Bhibhiliya a na gira alulamiselo nya gu u tshangana ni madhota gasi ma wona gu khayo u dongide gu khala mweyo nya Dzifakazi dza Jehovha mwendro ne.
