Ni Lunghekile?
Ni Lunghekile Swaku Ni Chumayela Ni Bandla?
U ta va u lunghekile kuva muchumayeli wa ku kala a nga tsakamisiwanga loko . . .
U djondza Bibele siku ni siku, u khongela ni ku va kona mintlhanganwini.
U swi rhandza u tlhela u swi tshemba leswi u swi djondzaka ni ku tlhela u lava ku byela van’wani hi swona.
U rhandza Yehovha u tlhela u langa vanghanu lava va mu rhandzaka.
U nga ha lumbi ntlawa wa politika kumbe wukhongeli la mavunhwa.
U hanya hi minawu ya Yehovha naswona u swi lava kuva Mboni ya Yehovha.
Loko se u titwa u lunghekile ku chumayela ni bandla, lweyi u djondzaka na yena Bibele a ta bula ni madoda swaku ma tlhangana na wena kuva ma ta ku kambela leswaku ma ta vona swaku wa faneleka kuva muchumayeli kumbe a wu faneleki.
Ni Lunghekile Swaku Ni Tsakamisiwa?
U ta va u lunghekile swaku u tsakamisiwa loko . . .
U li muchumayeli wa ku kala a nga tsakamisiwanga.
U chumayela nkama ni nkama hilani u nga kotaka hi kona.
U seketela u tlhela u yingisa nkongomiso wa “mutirhi wa ku tshembeka ni wa ku tlhariha”. — Matewu 24:45-47.
U tinyiketelile ka Yehovha hi xikhongelo naswona u lava ku mu tirhela wutomi la wena hinkwalu.
Loko se u titwa u lunghekile ku tsakamisiwa, lweyi u djondzaka na yena Bibele a ta bula ni madoda swaku ma tlhangana na wena kuva ma ta ku kambela leswaku ma ta vona swaku wa faneleka ku tsakamisiwa kumbe a wu faneleki.