E Mata, ko Toka Au?
E Mata, ko Toka Au ke Talai Fakatasi mo te Fakapotopotoga?
E mafai o toka koe ke fai mo fai se tino talai e seki papatiso māfai . . .
E fai tau akoga ki te Tusi Tapu, ‵talo kae kau atu faeloa ki fakatasiga a te fakapotopotoga.
E fakatāua kae talitonu koe ki mea e tauloto ne koe kae e fia fakaasi atu ne koe ki nisi tino.
E alofa ki a Ieova kae filifili ne koe ou taugasoa ‵pili mai i a latou kolā e a‵lofa ki a ia.
Ko oti ne tapale tou igoa mai i so se mea telā e isi sena sokoga ki mea fakapolitiki io me ko lotu ‵se.
E ola koe e ‵tusa mo tulaga o Ieova kae e fia fai koe mo fai se Molimau a Ieova.
Kafai e mafaufau koe me ko toka koe ke talai fakatasi mo te fakapotopotoga, e mafai ne tou faiakoga o fakatoka ke sau‵tala mo toeaina e uiga ki mea e fai ei ke fetaui ‵lei koe.
E Mata, ko Toka Au ke Papatiso?
E mafai o toka koe ke papatiso māfai . . .
Ko fai koe mo tino talai e seki papatiso.
E kau atu faeloa koe ki te galuega talai i taimi e uke e mafai ne koe.
E ‵lago kae tautali atu ki te takitakiga a “te tavini fakamaoni kae poto.”—Mataio 24:45-47.
Ko oti ne fai tau tukuatuga ki a Ieova e auala i se ‵talo kae e manako koe ke tavini atu ki a ia ki te se-gata-mai.
Kafai e mafaufau koe me ko toka koe o papatiso, e mafai ne tou faiakoga i te Tusi Tapu o fakatoka ke sau‵tala koutou mo toeaina e uiga ki mea kolā e mafai ei o papatiso koe.
