Ua ineine anei au?
Ua ineine anei au no te poro e te amuiraa?
Ua ineine paha oe i te riro mai ei taata poro bapetizo-ore-hia . . .
Ia haapii tamau oe i te Bibilia, ia pure e ia apiti i te mau putuputuraa a te amuiraa.
Ia haafaufaa e ia tiaturi oe i ta oe e haapii ra e ia faaite i te tahi atu no nia i te reira.
Ia here oe ia Iehova e ia maiti ei hoa piri te feia o te here ra ia ˈna.
Ia ore oe e apiti i te mau ohipa poritita aore ra i te mau taatiraa a te haapaoraa hape.
Ia ora oe ia au i te mau ture aveia a Iehova e ia hinaaro oe e riro ei Ite no Iehova.
Mai te peu te manaˈo ra oe e ua ineine oe no te poro e te amuiraa, e nehenehe ta oe taata haapii e rave i te faanahoraa ia farerei oe i te mau matahiapo no te aparau no nia i te mau titauraa.
Ua ineine anei au no te bapetizoraa?
Ua ineine paha oe no te bapetizoraa . . .
Ia riro mai oe ei taata poro bapetizo-ore-hia.
Ia poro tamau oe ia au i to oe tupuraa.
Ia turu e ia pee oe i te aratairaa a “te tavini haapao maitai e te paari.”—Mataio 24:45-47.
Ia pûpû oe ia oe no Iehova na roto i te pure e ia hinaaro oe e tavini ia ˈna e a muri noa ˈtu.
Mai te peu te manaˈo ra oe e ua ineine oe no te bapetizoraa, e nehenehe ta oe taata haapii e rave i te faanahoraa ia farerei oe i te mau matahiapo no te aparau no nia i te mau titauraa.