¿Chapalonixbal?
¿Chapalonixbal yuʼun ya jchol skʼop Dios sok te congregación?
Chapalatix yuʼun ya x-ochat ta jcholkʼop te mato yichʼoj jaʼ teme...
... kʼayemat ta snopel te Biblia, ta skʼoponel Dios sok maba ya achʼay te tsoblejetik.
... ya achʼuun sok mukʼ skʼoplal ta awoʼtan te bin yakat ta snopel sok ya akʼan ya acholbey te yantike.
... kʼux ta awoʼtan te Jehová sok jaʼ awamigoinej te machʼatik kʼux ta yoʼtanik-euk.
... lokʼatix ta jkʼaxel ta política sok ta lotil religión.
... ya apas ta akuxlejal te bin ya yal te Dios sok ya akʼan ya x-ochat ta testigo yuʼun Jehová.
Teme chapalatix ya awaʼiy yuʼun ya xlokʼat ta scholel skʼop Dios sok te congregación, te machʼa ya snojptesat ta Biblia ya yalbey te ancianoetik, jaʼme ya xkʼopojik sok jaʼat yuʼun ya yilik teme ya xjuʼ ya xlokʼatixe.
¿Chapalonixbal yuʼun ya kichʼ jaʼ?
Chapalatix yuʼun ya awichʼ jaʼ teme...
... jcholkʼopatixe.
... maba ya akom aba ta scholel skʼop Dios.
... ya akoltay te «aʼbat te jun yoʼtan soc pʼij» sok ya achʼuun spasel te bin ya yale (Mateo 24:45-47).
... la awalbeyix te Jehová te ya awakʼ akuxlejal ta stojol, sok ya akʼan ya x-abatinat ta stojol ta sbajtelkʼinal.
Teme chapalatix ya awaʼiy yuʼun ya awichʼ jaʼ, te machʼa ya snojptesat ta Biblia ya yalbey te ancianoetik, jaʼme ya xkʼopojik sok jaʼat yuʼun ya yilik teme ya xjuʼ ya awichʼix jaʼe.
