Дась-а мон?
Дась-а мон кенешен ӵош тодытыны?
Тӥ дась кенешен ӵош тодытыны та учырын:
ялан Библиез дышетӥськоды, вӧсяськиськоды но кенешлэн пумиськонъёсаз ветлӥськоды ке;
оскиськоды ке тодэмдылы, сое дунъяськоды но со сярысь мукетъёсызлы верамды потэ ке;
Иеговаез яратӥськоды но бырйиськоды ке сыӵе эшъёсты, кудъёсыз Иеговаез ярато;
уд ке пыриське нокыӵе но политической яке религиозной организациосы;
Иеговалэн курон-косонъёсызъя улӥськоды но Иеговалэн Адӟись-Ивортӥсез луэмды потэ ке.
Тӥ кенешен ӵош тодытыны дась ини шуыса малпаськоды ке, дышетӥсьты тодытыны мылкыдды сярысь тӧроослы вералоз. Соос тӥледын вераськозы но учкозы, дась-а тӥ тодытӥсь луыны.
Дась-а мон пылатӥськыны?
Тӥ дась пылатӥськыны та учырын:
пылатӥськымтэ ивортӥсь луиды ке ини;
ялан тодытон уже пыриськиськоды ке;
«оскиськымон, визьмо ляльчилы» юрттӥськоды но солэсь кылзӥськиськоды ке (Матфей 24:45—47);
улондэс вӧсяськыса Иеговалы сӥзиды но пырак дауръёс ӵоже солы ужамды-тыршемды потэ ке.
Тӥ пылатӥськыны дась ини шуыса малпаськоды ке, дышетӥсьты пылатӥськыны мылкыдды сярысь тӧроослы вералоз. Соос тӥледын вераськозы но учкозы, дась-а тӥ пылатӥськыны.
