Naa Ndo Lugela?
Naa Ndo Lugela U Ḓivhadza Mafhungo Maḓifha Na Vhaṅwe Tshivhidzoni?
Ni nga vha no lugela u vha muhuweleli a songo lovhedzwaho arali . . .
Ni tshi guda Bivhili tshifhinga tshoṱhe, u rabela na u ya miṱanganoni ya tshivhidzo tshifhinga tshoṱhe.
Ni tshi funa na u tenda zwine na khou zwi guda nahone ni tshi vhudza vhaṅwe nga hazwo.
Ni tshi funa Yehova na u khetha u vha khonani ya tsini na vhathu vhane vha mu funa.
Ni si tsha vha muraḓo wa ḽihoro ḽa politiki kana wa vhurereli ha mazwifhi.
Ni tshi tshila u tendelana na milayo ya Yehova nahone ni tshi ṱoḓa u vha muṅwe wa Ṱhanzi dza Yehova.
Arali ni tshi vhona uri no lugela u ḓivhadza mafhungo maḓifha na tshivhidzo, mugudisi waṋu wa Bivhili u ḓo dzudzanya uri ni ṱangane na vhahulwane vha tshivhidzo uri vha ni vhudze uri ni nga fanelea hani.
Naa Ndo Lugela U Lovhedzwa?
Ni nga vha no lugela u lovhedzwa arali . . .
Ni muhuweleli a songo lovhedzwaho.
Ni tshi shela mulenzhe kha u ḓivhadza mafhungo maḓifha tshifhinga tshoṱhe nga hune na nga kona ngaho.
Ni tshi tikedza na u tevhedza vhulivhisi vhu bvaho kha “mulanda a fhulufhedzeaho na wa vhuṱali.”—Mateo 24:45-47.
No ḓiṋekedzela kha Yehova nga thabelo nahone ni tshi ṱoḓa u mu shumela lwa tshoṱhe.
Arali ni tshi vhona uri no lugela u lovhedzwa, mugudisi waṋu wa Bivhili u ḓo dzudzanya uri ni ṱangane na vhahulwane vha tshivhidzo uri vha ni vhudze uri ni nga fanelea hani.
