Kiri oolikaneene?
Kiri oolikaneene weera kilaleere ni muloko?
Nyuwo pooti okhala namalaleera oohibatiziwa wakhala weera . . .
Munnamusoma Biblya, opaka nivekelo, ni woonela mithukumano moohitxompela.
Ennoosivelani ekhaikhai, munnaroromela ni murimaanyu wootheene ele munxutteraanyu ni munnatthuna waaleela atthu akina woohima sa Biblya.
Munnamusivela Yehova nave wakhala weera munnaathanla asinthamwene ammusivela yoowo.
Moohiya weerela eparte ettiini yoowootha naari okhavihera mareherero a ipoliitika.
Munnakhala moovarihana ni ele Yehova onhimaawe weera ti yooreera nave wakhala weera munnatthuna okhala Namoona a Yehova.
Wakhala weera mohiireherera weera mulaleereke ni muloko, ale anoosomihani Biblya anoothanla nihuku weera avaanele ni asitokweene a mmulokoni, weera yoone waakhala weera nyuwo munnaphwanela okhala namalaleera.
Kiri oolikaneene weera kibatiziwe?
Nyuwo munoobatiziwa waakhala weera . . .
Munookhala namalaleera oohibatiziwa.
Munimwiilipihera olaleera, moovarihana ni makhalelo anyu.
Munookhavihera ni otthara miruku sa “kaporo oororomeleya ni a miruku.”—Matheyo 24:45-47.
Wakhala weera mohiivaherera wa Yehova munivekeloni ni otthuna onvarela muteko mahuku ootheene.r.
Wakhala weera nyuwo mohiireherera weera mBatiziwe, ole onoosomihani Biblya onoothanla nihuku weera avaanele ni asitokweene weera yoone waakhala weera nyuwo munnaphwanelela okhala Namoona a Yehova.
