Taani Giigettidanaa?
Taani Galchchaara Hashetada Markkattanawu Giigettidanaa?
Neeni kaallidi deˈiyaageeta oottikko haattan muukettanawu giigettana danddayaasa
Ubbatoo Geeshsha Maxaafaa xannaˈa, woossa, qassi galchchaa shiiqota shiiqa.
Neeni tamaariyoobaa dosanne ammana, qassi hegaa haratuyyo yootanawu halchcha.
Yihoowa siiqa, qassi A siiqiyaageetuyyo mata lagge gida.
Polotika woy worddo haymaanoote dirijjitiyaappe shaahetta.
Yihooway kessido maaraadan deˈada Yihoowa Markka gidanawu koya.
Neeni galchchaara hashetada haggaazanawu giigidabadan qoppikko, koyettiyaabaa waata oottanaakko cimatuura zorettanaadan, nena Geeshsha Maxaafaa tamaarissiya uri giigissana danddayees.
Taani Haattan Muukettanawu Giigettidanaa?
Neeni kaallidi deˈiyaageeta oottikko muukettanawu giigettana danddayaasa
Haaattan muukettennan aassiyaagaa gidikko.
Neeyyo danddayettida keenan ubbatoo haggaaziyaaba gidikko.
‘Ammanettida wozannaama ashkkaraa’ kaaletuwaa maayiyaabanne kaalliyaaba gidikko.—Maatiyoosa 24:45-47.
Nena Yihoowawu sheedhdhidoogaa qonccissada woossidabanne ayyo merinawu haggaazanawu koyiyaaba gidikko.
Neeni haattan muukettanawu giigidabadan qoppikko, koyettiyaabaa waata oottanaakko cimatuura zorettanaadan, nena Geeshsha Maxaafaa tamaarissiya uri giigissana danddayees.
