Andam Na ba Ako?
Andam Na ba Ako Magsangyaw Kaupod han Kongregasyon?
Magigin andam ka na nga magin diri bawtismado nga magwarali kon . . .
Regular ka na nga nag-aaram han Biblia, nag-aampo, ngan naatender ha mga katirok han kongregasyon.
Gin-aapresyar ngan gintotoohan mo an imo nahibabaroan ngan karuyag mo nga isumat ito ha iba.
Hinigugma mo hi Jehova ngan ginpipili mo nga duok nga kasangkayan an mga nahigugma ha iya.
Diri ka na kaapi han bisan ano nga organisasyon ha politika o han buwa nga relihiyon.
Nagkikinabuhi ka na uyon ha mga suruklan ni Jehova ngan karuyag mo magin usa han mga Saksi ni Jehova.
Kon para ha imo andam ka na magsangyaw kaupod han kongregasyon, puydi hikayon han nagdudumara ha imo han pag-aram ha Biblia nga makig-istorya ka ha mga tigurang basi hisgotan kon paonan-o ka magigin kwalipikado.
Andam Na ba Ako Magpabawtismo?
Magigin andam ka na ha pagpabawtismo kon . . .
Usa ka na nga diri bawtismado nga magwarali.
Regular ka na nga nakikigbahin ha pagsangyaw nga buruhaton tubtob ha imo mahihimo.
Nasuporta ka ha “matinumanon ngan maaramon nga uripon” ngan nasunod ha ira instruksyon.—Mateo 24:45-47.
Gindedikar mo na an imo kalugaringon kan Jehova pinaagi han pag-ampo ngan karuyag mo mag-alagad ha iya ha waray kataposan.
Kon para ha imo andam ka na magpabawtismo, puydi hikayon han nagdudumara ha imo han pag-aram ha Biblia nga makig-istorya ka ha mga tigurang basi hisgotan kon paonan-o ka magigin kwalipikado.
