ʼE Kua Au Tokalelei Koa?
Faifakamafola Mo Te Kokelekasio?
ʼE lagi kua ke tokalelei mo kapau . . .
Ko hau agamahani te ako ʼo te Tohi-Tapu, mo faikole pea mo kau ki te ʼu fono.
ʼE ke leleiʼia te meʼa ʼae neʼe ke ako mo tui ki ai pea mo fia fakaha ki ʼihi.
Kua ke ʼofa ia Sehova mo filifili hou ʼu kaumeʼa ʼe toe ʼoʼofa ia Sehova.
Kua ke mavae ʼosi mai te ʼu meʼa fakapolitike pea mo te lotu hala.
ʼE ke fakaʼapaʼapa ki te ʼu lao ʼa Sehova ʼi tou maʼuli pea mo fia liliu ko he Fakamoʼoni ʼa Sehova.
Kapau kua ke tokalelei ke ke liliu ko he kauga fagona, fakaha kia ia ʼae ʼe ina fai tau ako. Pea ʼe fai anai e te kau tagata ʼafeā he ʼu fakatuʼutuʼu ke felogoi mo koe.
Kua Au Tokalelei Koa Ki Te Papitema?
ʼE lagi kua ke tokalelei mo kapau . . .
Kua ke liliu ko he kauga fagona.
Kua ke faifakamafola tuʼumaʼu.
ʼE ke fakalogo ki te ʼu fakatotonu ʼae ʼe foaki mai e te “tagata faifekau agatonu mo poto.”—Mateo 24:45-47.
Kua ke foaki tou maʼuli kia Sehova ʼi te faikole he ʼe kua ke fia tauhi kia te ia ’o talu ai.
Kapau kua ke tokalelei ki te papitema, fakaha kia ia ʼae ʼe ina fai tau ako. Pea ʼe fai anai e te kau tagata ʼafeā he ʼu fakatuʼutuʼu ke natou felogoi mo koe.