Efa Pare ma Zaho?
Efa Mety Mitory Miaraka amy Fiangonan̈a ma Zaho?
Mety hanjary pitory tsy vita batisa anao izikoa:
Mianatra Baiboly tsy tapaka, mivavaka, ndreky mivory.
Tia ndreky mino raha ianaranao baka io man̈iry hikoran̈a izio aminolo.
Tia Jehovah ndreky mikamarady aminolo tia izy.
Efa namafa an̈aran̈a amy fivavahan̈a diso ndreky fikambanan̈a misy ifandraisany amy politiky.
Man̈araka fitsipikiny Jehovah ndreky man̈iry hanjary Vavolombelon̈o Jehovah.
Anao koa fa von̈ono hitory miaraka amy fiangonan̈a, hisy antipan̈ahy hiaraka hidiniky aminao ndreky olo mampianatra Baiboly anao, ahitan̈a izikoa anao mahafeno fepetra.
Zaho ma Efa Mety Hatao Batisa?
Efa mety hatao batisa anao izikoa:
Anao efa pitory tsy vita batisa.
Mitory tsy tapaka izikoa mbala afaka man̈ano zen̈y.
Manohan̈a ndreky man̈araka taridalan̈any “panompo atokisan̈a ndreky mahadiniky raha.”—Matio 24:45-47.
Efa nanokanten̈a tamy Jehovah tamy vavaka ndreky tihanompo izy mandrakizay.
Anao koa fa von̈ono hatao batisa, papianatranao hikoran̈a aminy antipan̈ahy, avio hisy antipan̈ahy hiaraka hidiniky aminao, ahitan̈a izikoa anao mahafeno fepetra.
