Ŋgbɛtɛɛ?
Ŋgbɛtɛɛ A Gɛɛ Ŋa Ɣala-woo-ɓo A Korai-toli-kpɔŋ?
Ya pɔri kɛi a I kpɛtɛɛ a gɛɛ I ɣala-woo ɓo a korai-toli-kpɔŋ a kɛ . . .
Ya Ŋala-kɔlɔi maa-kɔri, I Ɣala fɛli, ikɛ li goyaŋ-ŋai su a tãi kelee.
Ya mɛnii ya maa-kɔrii wɛli, I laa la, ikɛ ŋwɛli a gɛɛ I mo nua dia.
Ya Ziova wɛli, I laoi-laa kɛ a diai ŋwɛlini.
Ya iyee kula gɔmɛti kpaa lɛɛ ɣala-mɛni sii kelee ta su.
Ya Ziova ŋɔtɔŋ-ŋai mɛi kaa, ikɛ ŋwɛli a gɛɛ ikɛ a Ziova Ŋɔsere-faa Kɛ-ɓelai ta.
Ya gaa a gɛɛ ikpiŋ kpɛtɛɛ a gɛɛ I pɛlɛ ɣala-woo ɓoi a korai-toli-kpɔŋ, Iɣala-kɔlɔ ŋa lɛ-nuui a pɔri mɛni-kpɛtɛɛ kɛi a gɛɛ ka nyaa ka li korai-toli-kpɔŋ laa-tuɛ-ɓelai pɔ a gɛɛ ka lono e pilaŋ berei ma ya pɔri gɛi lai.
Ŋgbɛtɛɛ A Gɛɛ Ŋa Batai Kɛ?
Ya pɔri kɛi a I kpɛtɛɛ a gɛɛ I batai kɛ a kɛ . . .
Ya ɣala-woo ɓo a korai-toli-kpɔŋ.
Ya ŋala-woo-ɓo tii kɛi a ilii kelee, ikɛ gɛ a tãi kelee.
Ya sia a nia-woo-ŋai “nyee-mu-nuu sãa tareɛi” a dɛɛi—Maafiu 24:45-47.
Ya ikpiŋ tɛɛ Ziova pɔ ɣala fɛliɛ su, ikɛ ŋwɛli a gɛɛ I vɛli wɔlɔ-wɔlɔ da wɔlɔ-wɔlɔ.
Ya gaa a gɛɛ ikpiŋ kpɛtɛɛ a gɛɛ I batai kɛ, Iɣala-kɔlɔ ŋa lɛ-nuui a pɔri mɛni-kpɛtɛɛ kɛi a gɛɛ ka nyaa ka li korai-toli-kpɔŋ laa-tuɛ-ɓelai pɔ a gɛɛ ka lono e pilaŋ berei ma ya pɔri gɛi lai.
