Ana Ngoseche?
Ana Ngoseche Kulalichilaga Yimpepe ni Mpingo?
Mpaka aŵe jwakulalichila jwangabatisidwa naga . . .
Akulijiganya Baibulo mwakutamilichika, akusapopela, soni naga akusasimanikwa pamisongano jampingo.
Akusayinonyela soni kuyikulupilila yakulijiganya soni akusiŵasalilaga ŵane.
Akusamnonyela Yehofa soni kusagula achimjawo ŵakusamnonyela jwalakwe.
Nganaŵa muchipani chilichose cha ndale soni mudini jaunami.
Akusatamaga mwakuya malamusi ga Mlungu soni ali ŵakusachilila kuŵa jwa Mboni sya Yehofa.
Naga akuyiwona kuti ali ŵakoseka kulalichilaga ni mpingo, jwakwajiganya chachilinganya yakuti wawojo awonegane ni achakulungwa ŵamumpingo kuti alole naga ali ŵakuŵajilwa
Ana Ngoseche Kubatisidwa?
Mpaka aŵe ŵakoseka kubatisidwa naga . . .
Ali jwakulalichila jwangabatisidwa.
Akusalalichila mwakutamilichika.
Akusakamulana soni akusakuya yakusatusalila “kapolo jwakulupichika ni jwalunda.”—Mateyu 24:45-47.
Ŵalipeleche kwa Yehofa kupitila mu lipopelo soni kumsalila kuti akusaka kumtumichila mpaka kalakala.
Naga akuyiwona kuti ali ŵakoseka kubatisidwa, jwakwajiganya Baibulo chachilinganya yakuti wawojo awonegane ni achakulungwa ŵamumpingo kuti alole naga ali ŵakuŵajilwa.
