Ke Bung Rogog, Fa?
Ke Bung Rogog Nrayog ni Nggu Un ko Pi Walag ko Machib, Fa?
Sana rayog ni ngam mang reb e unbaptized publisher ni faanra . . .
Ga ma fil e Bible ni gubin ngiyal’, ma ga be meybil, ma ga be un ko muulung.
Ba ga’ fan u wan’um e n’en ga be fil, ma ke mich u wan’um, ma ga baadag ni ngam weliy ngak yugu boch e girdi’.
Ba t’uf Jehovah rom ma kam mel’eg e piin yad ma t’ufeg ni ngar manged fager rom.
Gathi ka gur bang u reb e ulung ko am ara kam chuweg fithingam ko teliw ni googsur ni um un ngay kafram.
Ga be fol ko pi motochiyel rok Jehovah ma ga baadag ni ngam mang reb e Pi Mich rok.
Faanra ga be lemnag ni ke bung rogom nrayog ni ngam un ko pi walag ko machib, ma rayog ni nge yog e en gimew ma fil e Bible ko piin piilal ya nge yag nim mada’gad ngam weliyed rogon nrayog ni ngam rin’ e re n’ey.
Ke Bung Rogog Nrayog ni Nggu Un ko Taufe, Fa?
Sana rayog ni ngam un ko taufe ni faanra . . .
Gur reb e unbaptized publisher.
Ga ma un ko machib ni gubin ngiyal’ u rogon nrayog rom.
Ga ma fol ko n’en ma yog “fare tapigpig nib yul’yul’ ma ba gonop” ni ngan rin’.—Matthew 24:45-47.
Kam ognagem ngak Jehovah u daken e meybil ma ga baadag ni ngam pigpig ngak ndariy n’umngin nap’an.
Faanra ga be lemnag ni ke bung rogom nrayog ni ngam un ko taufe, ma rayog ni nge yog e en gimew ma fil e Bible ko piin piilal ya nge yag nim mada’gad ngam weliyed rogon nrayog ni ngam rin’ e re n’ey.
